يوه مشهوره امريکايۍ ښځه چې مخکې د جنسي فلمونو نړۍ کې تر ټولو مخکښه او پېژندل شوې اداکاره وه، اوس يې خپل ژوند په بشپړ ډول بدل کړی دی. د هغې نوم سارا وليامز دی، خو د اسلام تر قبلېدو وروسته يې خپل نوم سمیرا ايښی. هغه وايي چې د قرآن کريم يوه آيت دومره ژور تاثیر پرې وکړ چې د هغې ټول پخوانی ژوند ته یې شا کړه او د الله لور ته يې مخه کړه.
سارا وليامز، چې د شهرت او پیسو له امله د جنسي فلمونو برخه کې ښکېله شوې وه، وايي چې که څه هم ظاهري ژوند يې ښايسته او مالامال و، خو دننه یې تل یو ډول تشوالی او بېهدفۍ حس کوله. د یوې ملګرې له خوا هغې ته یو ځل قرآن ورکړل شو. هغې د تجسس له مخې د قرآن مطالعه پيل کړه، خو هغه څه چې د هغې زړه يې وواهه، د الزمر سورت ۵۳م آیت و.
آيت داسې دی:
“قُلْ يَا عِبَادِيَ ٱلَّذِينَ أَسْرَفُوا۟ عَلَىٰٓ أَنفُسِهِمْ لَا تَقْنَطُوا۟ مِن رَّحْمَةِ ٱللَّهِ ۚ إِنَّ ٱللَّهَ يَغْفِرُ ٱلذُّنُوبَ جَمِيعًا ۚ إِنَّهُۥ هُوَ ٱلْغَفُورُ ٱلرَّحِيمُ”
پښتو ژباړه:
“وایه: ای زما بندګانو! کومو چې پر ځانونو زیاتې (ګناهونه) کړې دي، د الله له رحمت څخه مه نهیلي کیږئ، بېشکه الله ټول ګناهونه بښي، یقیناً هغه ډېر بښونکی، ډېر مهربان دی.”
دا آيت سارا وليامز ته دا پیغام ورکړ چې که هر څومره غټ ګناهونه هم انسان کړی وي، الله (ج) یې بیا هم بخښلی شي. هغې وویل: “ما فکر کاوه زه دومره لوېدلې یم چې بښنه مې ممکنه نه ده، خو دا آيت زما زړګی نرم کړ او زه پوه شوم چې زه له سره ژوند پیل کولی شم.”
د اسلام قبلېدو وروسته، سمیرا نه یوازې له خپل پخواني ژوند لاس واخیست، بلکې اوس د اسلام دعوت ته ځان وقف کړی. هغه پر ټولنیزو شبکو د ښځو لپاره د اسلامي ژوند طریقه تشریح کوي، او وايي چې که یوه ښځه غواړي عزت، آرام او واقعی خوشحالي ومومي، نو باید د الله لور ته مخ کړي.
د هغې کیسه زرګونه خلک متاثره کړي، او اوس ګڼ شمېر نورې ښځې هم د دې له تجربې الهام اخلي. دا موږ ته دا یادونه کوي چې هیڅوک دومره ګناهګار نه دی چې الله یې بښلی نشي، ځکه الله ته رجوع کول تر ټولو ستر نجات دی.