ښځې ته چې د جنسي اړيکې پر مهال سمه انزال نه وشي، نو شهوت ورته د يوې بلا په څېر احساسېږي. دا حالت نه يوازې فزيکي ستونزې رامنځته کوي، بلکې ذهني فشار هم زياتوي. کله چې يو شخص خپل جنسي غوښتنې کنټرول نشي کولی او د انزال طبيعي پروسه یې بشپړه نشي، نو بدن ته يې داسې اثرات رسېږي چې په اوږدمهاله توګه يې پر صحت ناوړه اغېز کولی شي.
لومړی مشکل چې رامنځته کېږي، هغه د جنسي نهيلۍ احساس دی. کله چې يوه ښځه بار بار د بشپړې جنسي قناعت احساس ونه کړي، نو د ژوند د نورو برخو سره يې هم دلچسپي کمېږي. دا نه يوازې پر مزاج بد اغېز کوي، بلکې د ذهني فشار لامل هم ګرځي.
دوهم مشکل د عضوي تکليفونو پيدا کېدل دي. کله چې انزال نه رامنځته کېږي، د ښځې تناسلي غړي کې خارښت، درد، او پړسوب پيدا کېدای شي. دا ستونزه که حل نشي، نو د هورموني بدلونونو له امله نورې طبي ستونزې هم راولاړېدای شي، لکه د حيض دورې ګډوډېدل او د رحم عضلاتو سختېدل.
دريم مشکل د جنسي بې علاقګي ده. که يوه ښځه بار بار د انزال نه محرومېږي، نو د هغې ذهن ورو ورو جنسي فعاليت ته بې پروا کېږي. دا چاره د دې سبب کېږي چې د خاوند او مېرمنې ترمنځ فاصلې زياتې شي، او د واده ژوند ته مشکلات جوړ شي.
څلورم مشکل دا دی چې دا هر څه ښځه له چاسره نشي شريکولی. زموږ ټولنه دا موضوع د شرم وړ ګڼي، او ښځې مجبوره وي چې د خپلو احساساتو او ستونزو سره يوازې مقابله وکړي. دا خاموشي د ذهني ناروغيو لامل کېدای شي، چې د خپګان، اضطراب، او حتا د ځان کمزوري ګڼلو ته زمينه برابروي.
